這是酒店大門及大堂。

因為入住日係平日，所以客人不多，好快就完成checkin 手續，但我哋checkout日咁啱係星期五，所以應該係住唔足24小時，但酒店好好地提早問定我哋當天的checkin時間，我哋亦提早於中午12點就入住，那就剛剛好可以住足24小時了！

我哋入住既房間係upgrade了，於54樓，已經接近最高層，房間非常之開揚。

浴室亦非常寬敞，分開淋浴及浴缸，浴缸位設有電視，除此之外，浴缸位亦都可以淋浴。

來到這房間望到的超級大海景。幾乎全個維港盡收眼底！最可惜係我哋入住兩天剛剛有雨，兩天都陰天及比較多雲，但幸好雨量不多，景色還是算清晰的。到了夜晚，這個夜景簡直冇得彈！真係望住不捨得去睡覺！

來到晚餐部份。晚餐是在酒店café too享用港式自助餐。

自助餐餸菜的款式有好多，海鮮、魚生刺身、印度薄餅、魚蛋粉都有……當然唔少得甜品，但係我哋食得最多的都係龍蝦同蟹，其他食物還是一般般，感覺比較遜色。

另外，酒店亦送上生日蛋糕一個（比自助餐的蛋糕好食），原本我們打算夜晚出附近買件小蛋糕簡單慶祝，但酒店在我們入住當天中午已經送了一個上嚟（checkout日才是正日），這一下有小小驚喜的！

來到第二日，在酒店的珀翠餐廳享用半自助式的早餐。每人可以選一個set，我們選了英式及日式早餐，而另外自助的亦有好多沙律、乳酪、包類、甚至連蛋撻都有，食到好飽好飽，可惜的是坐的位置不近窗，如果近窗可以一路歎早餐，一路歎靚景。

食完早餐翻到房，再攤在床上休息一下，就夠鐘checkout，兩日的享受，是在煩憂生活中的一點解救，最後補上兩張烏雲開始退散，藍天到來的維港美景照。